'O ensino en galego é un dereito, non un capricho dos políticos'
A Nosa Terra 27/05/2009
Eva Estévez . Se Mahoma non vai á montaña, a montaña vai a Mahoma. O pasado 17 de maio constituíse en Compostela a xestora que vai facer posíbel 'Galiza co galego', unha organización que impulsará a creación dunha rede popular privada de ensino en galego. Agora busca conseguir 3.000 apoios para obter os recursos suficientes para impulsar a primeira escola infantil. Francisco López, máis coñecido como Francisco de Limiar, é un dos seus impulsores e explica os detalles do que será a futura 'rede popular galega de ensino en galego'.
27.05.2009 | 07:20 
Un acto da Mesa en Ferrol. 'Galiza co galego' naceu dunha proposta de debate no Facebook de apoio as Galescolas que deu como resultado un grupo de apoio que publicou da man de Francisco de Limiar en http://limiargalego.blogspot.com/ un manifesto en favor da rede popular privada de ensino. Dende o 16 abril este grupo está a recoller apoios para conseguir un total de 3.000 para obter os recursos suficientes que impulsen a primeira escola infantil da rede de ensino en galego. Este colectivo considera que é hora de pasar á acción en materia lingüística no ensino. “O ensino en galego é un dereito, non un capricho dos políticos”, explica o seu portavoz, que ao igual que os compoñentes desta plataforma considera que a maneira de conseguir que o galego se manteña e recupere é “se a sociedade civil implicada toma cartas no asunto dun xeito definido e real”.
A pretensión desta iniciativa é defender o uso de galego como idioma vehicular na escola dende a iniciativa privada. “Buscamos un espazo propio para o idioma galego”, resume Francisco de Limiar, que considera “necesario e imprescindíbel” que haxa un espazo (o da educación) en galego para as crianzas que ten que estar nas escolas.
De Limiar explica que a rede de ensino que impulsa 'Galiza co Galego' non é un gueto.“Queremos que se acade a mesma competencia lingüística en galego que en castelán. As persoas formadas na rede de ensino galego terán a formación suficiente para realizar un texto científico ou literario en castelán, ou en lingua galega”, explica o portavoz desta iniciativa. De Limiar engade que o proxecto educativo de 'Galiza co Galego' aposta por un ensino científico de calidade, “innovador”, co galego como lingua vehicular.
- Laico, democrático, pluralista e sen ánimo de lucro
O proxecto da rede popular galega de ensino será laico, democrático, pluralista e sen ánimo de lucro. As cotas que pagarán os pais para a educación dos seus fillos converteranse nos recursos económicos do proxecto. Nun principio 'Galiza co Galego' busca 3.000 asociados iniciais para acadar o presuposto mínimo de 300.000 euros necesario para abrir a primeira escola infantil. “A primeira escola da rede xerará novos recursos para a creación de novos centros, tendo en conta que os gastos van a ser pagados polos usuarios”, explica o portavoz.
'Bilingües xa somos todos'
En referencia a se 'Galiza co Galego' é unha iniciativa contraria a Galicia Bilingüe, Francisco de Limiar explica que 'Galiza co Galego' rexeita a “todos os que promoven o odio á nosa lingua ou calquera outra” e considera que bilingües, en castelán e galego, “xa somos todos os galaegofalantes”.
Manifesto
Pola creación dunha rede popular galega de ensino en galego
Para tod@s
Galiza co Galego.
3000 asociad@s a 100 euros anuais, supón o presuposto para crear unha escola infantil
Asine no formulario, colabora www.limiarlibros.com
Pola creación dunha rede popular galega privada de ensino en galego:
1.- Apoio a creación dunha asociación popular “Galiza co Galego” que acade recursos económicos para a creación dunha rede popular galega privada de ensino en galego, a todos os niveis, con especial atención dende os niveis inferiores (de cero a 6 anos), deica a finalización da educación obrigatoria (sobre os 16 anos).
2.- Apoio a creación dunha asociación popular “Galiza co Galego” cun ideario laico e pluralista.
3.- Apoio a creación dunha asociación popular “Galiza co Galego” que promova e apoie as escolas privadas laicas que usen o galego como lingua de ensino.
4.- Apoio a creación dunha asociación popular “Galiza co Galego” que busque a consecución por medio do ensino en galego, con métodos científicos a competencia lingüística nas linguas romances de tronco común como o portugués, catalán, castelán, francés, italiano,...
5.- Apoio a creación dunha asociación popular “Galiza co Galego” para desenvolver un ensino científico e de calidade, que ademais permita acadar a competencia lingüística noutro idioma como o inglés, alemán, ruso, chinés..... e que procure nocións da lingua vasca (éuscaro), como outra lingua do Estado Español.
6.- Apoio a creación dunha asociación popular “Galiza co Galego” que axude as familias para facilitarlles os medios, as ferramentas, para que poidan desenvolver a súa vida con normalidade en galego.
7.- Apoio a creación dunha asociación popular “Galiza co Galego” que unha vez en marcha de inmediato poderá poñer en práctica o proxecto educativo global en galego, como pode ser en convenio cos centros de ensino privados existentes, ou coa creación de novos centros.
8.- Apoio a creación dunha asociación popular “Galiza co Galego” que reclame da administración pública os recursos económicos precisos para o desenvolvemento dunha rede galega de ensino en galego, tanto na súa parte pública como privada.
9.- Tendo en conta que a asociación popular “Galiza co Galego”, contará con asociados nun número inicial de 3000, que ao mesmo tempo, na maior dos casos serán beneficiarios da rede de ensino en galego, comprometo a miña afiliación, á asociación popular “Galiza co Galego”, cunha cota anual de 100 a 200 euros, que farei efectiva no momento da súa constitución.
Para tod@s
Galiza co Galego.
3000 asociad@s a 100 euros anuais, supón o presuposto para crear unha escola infantil
Asine no formulario, colabora www.limiarlibros.com
Pola creación dunha rede popular galega privada de ensino en galego:
1.- Apoio a creación dunha asociación popular “Galiza co Galego” que acade recursos económicos para a creación dunha rede popular galega privada de ensino en galego, a todos os niveis, con especial atención dende os niveis inferiores (de cero a 6 anos), deica a finalización da educación obrigatoria (sobre os 16 anos).
2.- Apoio a creación dunha asociación popular “Galiza co Galego” cun ideario laico e pluralista.
3.- Apoio a creación dunha asociación popular “Galiza co Galego” que promova e apoie as escolas privadas laicas que usen o galego como lingua de ensino.
4.- Apoio a creación dunha asociación popular “Galiza co Galego” que busque a consecución por medio do ensino en galego, con métodos científicos a competencia lingüística nas linguas romances de tronco común como o portugués, catalán, castelán, francés, italiano,...
5.- Apoio a creación dunha asociación popular “Galiza co Galego” para desenvolver un ensino científico e de calidade, que ademais permita acadar a competencia lingüística noutro idioma como o inglés, alemán, ruso, chinés..... e que procure nocións da lingua vasca (éuscaro), como outra lingua do Estado Español.
6.- Apoio a creación dunha asociación popular “Galiza co Galego” que axude as familias para facilitarlles os medios, as ferramentas, para que poidan desenvolver a súa vida con normalidade en galego.
7.- Apoio a creación dunha asociación popular “Galiza co Galego” que unha vez en marcha de inmediato poderá poñer en práctica o proxecto educativo global en galego, como pode ser en convenio cos centros de ensino privados existentes, ou coa creación de novos centros.
8.- Apoio a creación dunha asociación popular “Galiza co Galego” que reclame da administración pública os recursos económicos precisos para o desenvolvemento dunha rede galega de ensino en galego, tanto na súa parte pública como privada.
9.- Tendo en conta que a asociación popular “Galiza co Galego”, contará con asociados nun número inicial de 3000, que ao mesmo tempo, na maior dos casos serán beneficiarios da rede de ensino en galego, comprometo a miña afiliación, á asociación popular “Galiza co Galego”, cunha cota anual de 100 a 200 euros, que farei efectiva no momento da súa constitución.
